MUQDISHO (SMN) – Xubnaha beesha caalamka ayaa war cusub kasoo saaray xiisadda siyaasadeed ee dalka, gaar ahaan khilaafka madaxweynaha & ra’iisul wasaaraha.
Beesha caalamka ayaa ugu baaqday labada dhinac inay is xakameeyaan, isla-markaana aysan uga sii darin xiisadda haatan ka taagan Villa Soomalaiya.
Halkan hoose aqriso:-
Muqdisho, 17 Sebtembar 2021 – Iyadoo dadka Soomalaiyeed ay xusayaan sannad-guuradii 1aad ee kasoo wareegtay Heshiiskii 17kii Sebteembar, ayaa saaxiibbada beesha caalamka* waxay aad uga walaacsanyihiin in khilaafka sii kordhaya ee u dhexeeya Madaxweynaha iyo Ra’iisul Wasaaraha uu wiiqi doono xasilloonida Soomaaliya isla markaana uu carqaladayn doono geeddi-socodka doorashada.
Waxaan ku boorinaynaa Madaxweynaha iyo Ra’iisul Wasaaraha inay si degdeg ah u xalliyaan khilaafkooda, ayna ka fogaadaan isweydaarsiga qoraalada guud ee aan waxtarka u lahayn bulshada iyo ogeysiisyada hawlwadeennada, ayna dib diiradda u saaraan sidii loo soo gabagabayn lahaa doorashooyinkii waqtigooda dib uga dhacay iyadoo aan dib u dhac kale dhicin.
