MUQDISHO (SMN) – Faah faahino dheeraad ah ayaa kasoo baxaya howl-gal ballaaran oo ay xalay ciidamada dowladda ka sameeyeen duleedka deegaanka Garasbaaley ee duleedka magaalada Muqdisho.
Howl-galkan ayaa waxaa lagu soo qabtay afar nin oo lagu eedeeyey inay dhac ka geysanayeen xaafado ka tirsan deegaankaasi.
Saraakiisha horkaceysay howl-galka ayaa sheegay in raggan ay ku hubeysnaayeen bistoolado, isla-markaana ay wateen mooto Bajaaj, xilliga gacanta lagu soo dhigayey.
Magaalada Muqdisho ayaa waxaa maalmihii u dambeeyey ka socday howl-gallo ay wadeen ciidamada ammaanka ee dowladda, kuwaas oo loogu soo aadiyey xilliga doorashada.
