Duqan Muqdisho oo la kulmay danjiraha Ethiopia ee Soomaaliya + Sawirro

0

MUQDISHO (SMN) – Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) ayaa xarunta Aqalka dowladda hoose ee Xamar ku qaabilay Danjiraha dowladda Ethiopia u fadhiya Soomaaliya Amb. Cabdifataax Cabdullaahi Xasan oo ugu yimid Duqa Muqdisho salaan sharafeed, isagoo ugu Hambalyeeyay in mar labaad uu Madaxweynaha dalka Mudane Xasan Sheekh Maxamuud u magacaabay guddoomiyaha gobolka Banaadir ahna Duqa magaalada Muqdisho.

Danjire Cabdifataax iyo guddoomiyaha gobolka oo kulan dheer wada qaatay ayaa waxaa ay ka wada hadleen qodobo inta badan diirada saarayay horumarinta xiriirka ku dhisan wax wada qabsiga, iyo sidii la isaga kaashan lahaa wax ka qabashada arrimaha isbadalka Cimilada iyo Deegaanka. Qorshaha Dowladda Ethiopia ee ah Gaarsiinta Barnaamijka Dhireynta (Cagaareynta) wadamada Dariska, taasi oo Caasimada Muqdisho dhawaan laga hirgelin doonno, si isbadalka Cimilada iyo Deegaanka wax loogu qabto.

Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale ayaa uga mahadnaqay safiirka Itoobiya ee Soomaaliya taageeridda dowladiisa ee arrimaha Soomaaliya iyo dadaalada ay ku bixiyaan dhinacyada iskaashiga horumarka iyo wax ka qabashada cimilada. Waxa uuna sheegay Guddoomiyaha in dhawaan Magaalada Muqdisho laga bilaabi doonno qorshaha Barnaamijka dhireynta ee magaalo Cagaaran.

   

LEAVE A REPLY

Please enter your comment!
Please enter your name here