Golaha Ammaanka ee QM oo muddada u kordhiyey howlgalka QM ee Soomaaliya

0

NEW YORK (SMN) – Golaha Ammaanka ee Qaramada Midoobay ayaa ansixiyay qaraar muddo kordhin ah oo loo sameeyay hawlgalka kaalmaynta Qaramada Midoobay ee Soomaaliya (UNSOM).

Muddo hal sano ah, oo ku eg ilaa Oktoobar 31, 2023, ayaa loo kordhiyay xafiiska UNSOM. Muddo kordhintan waxay kusoo aaday iyadoo dhawaan uu dhamaaday waajibaadka ergaygii QM ee Soomaaliya, danjire James Swan.

Qaraarka ansixinta oo tirsigiisu yahay 2657, ayaa 14 dal waxay u codeeyeen in la kordhiyo waajibaadka UNSOM, halka hal waddana uu ka aamusay.

Golaha Ammaanka ayaa sidoo kale u caddeeyey in dib u eegis lagu sameeyo xaalada Soomaaliya, iyadoo la eegayo horumarka siyaasadda iyo xaaladda amni ee dalka.

UNSOM waxaa la abuuray bishii Juun ee 2013. Golaha Ammaanka ayaa u abuuray in la taageero dhismaha dowladnimada iyo nabadeynta Soomaaliya.

LEAVE A REPLY

Please enter your comment!
Please enter your name here