Maxkamadda Ciidamada Puntland ee magaalada Galkacyo, ayaa xukun dil ah ku ridday shan xubnood oo lagu helay in ay ka tirsan yihiin dhaq-dhaqaaqa Al-Shabaab.
Maxkamadda ayaa sheegtay in shantan xubnood ay ku caddaatay in ay ka tirsan yihiin Al-Shabaab, isla-markaana dilal kala duwan ka fuliyeen gudaha magaalada Gaalkacyo sannadihii u dambeeyay.
Sidoo kale, maxkamadda ayaa xorriyadooda u celisay lix qof oo kale, kuwaas oo lagu waayay wax danbi ah, kadib markii looga shakiyay falal la xiriira Shabaabnimo.
