Danjire Maxamed Cabdullaahi oo la kulmay Wasiirka Arrimaha Gudaha Serbia

0

BELGRADE (SMN) – Danjiraha Dowladda Federaalka ah ee Soomaaliya ee dalka Serbia Maxamed Cabdullahi Axmed ayaa maanta booqasho shaqo ugu tagay Wasiirka Arrimaha Gudaha Dalka Mr. Aleksander Vulin.

Danjiraha ayaa wasiirka la yeeshay kulan shaqo oo wax ku ool ah, waxayna labada masuul ka wada hadleen xoojinta iskaashiga labada dalka ee Soomaaliya iyo Serbia.

Waxaa si gaar ah kulankii maanta diirada loogu saaray iskaashiga dhanka ammaanka ee Soomaaliya iyo Serbia, sidoo kale tababarada oo aad muhiim ugu ah labadda dal ayaa lagu gorfeeyey kulankaas.

Dowladda Serbia xiriir wanaagsan la leh Soomaaliya, kaas oo ah mid soo jireen ah, “Serbia waxay noo leedahay muhiimado kala duwan oo ay ka kow tahay dhismaha dowladnimada iyo kaabayaasheeda,” ayuu yiri Danjire Maxamed Cabdullahi Axmed.

Kulanka ay maanta yeesheen Safiirka Soomaaliya ee Serbia iyo wasiirka arrimaha gudaha dalkaas ayaa ku dhamaaday is faham iyo in labada dal ay yeeshaan iskaashi joogto ah, gaar ahaan dhinacyada tayeynta hay’adda nabad-geliyada ee Soomaaliya.​

LEAVE A REPLY

Please enter your comment!
Please enter your name here