Sawirro: Sheekh Aadan Madoobe oo la kulmay Musharaxiinta Koonfur Galbeed

0

MUQDISHO (SMN) – Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa xalay hoygiisa magaalada Muqdisho kulan kula qaatay Midowga Musharraxiinta Dowlad Goboleedka Koonfur Galbeed.

Musharraxiinta Koonfur galbeed iyo Guddoomiyaha ayaa isla qaatay in laga wada shaqeeyo dib u heshiisiinta Koonfur Galbeed si loo helo midnimo isla-markaana la iska kaashado sidii loo sii amba qaadi lahaa dib u xorreynta deegaanada ay ku suganyihiin kooxda Khawaariijta Al-Shabaab.

Guddoomiyaha Golaha Shacabka ayaa boggaadiyay dadaalada lagu doonaayo dib u heshiisiinta Koonfur Galbeed oo uu ku baaqay isagoo sheegay in muhiim ay tahay midnimada iyo jiritaanka reer Koonfur Galbeed lana xoojiyo kacdoonka dadweynaha ee dalka looga xorreeynaayo Al-Shabaab.

LEAVE A REPLY

Please enter your comment!
Please enter your name here