Soomaaliya oo shirweyne caalami ah uga qayb-galeyso magaalada Kampala

0

MUQDISHO (SMN) – Guddoomiyaha Maxkamadda Sare ee dalka Baashe Yuusuf Axmed iyo wafdi uu hogaaminayo ayaa maanta ka qayb galay shir looga hadlayay khilaafaadka dhulka ee dalalka geeska iyo bariga Afrika kaas oo ka dhacay Kampala ee dalka Uganda.

Shirkan oo soconayay muddo 3 maalin ah ayaa waxaa kasoo qayb galay sidoo kale madax ballaaran oo ka kala yimid dalalka geeska Afrika ee ku midaysan urur goboleedka IGAD iyo khubaro ka socday dalalka caalamka.

Shirkan oo ay abaabulkeeda lahayd urur goboleedka IGAD ayaa waxaa kulankiisii maanta ka qayb galay Madaxweyne ku-xigeenka dowladda Uganda Marwo Jessica Alupo Wasiirro dalalka geeska Afrika ah, wafuud kala duwan iyo khubaro xariir la leh arrimaha dhulka ee dalalka geeska Afrika.

Dhanka Soomaaliya oo uu gudoomiyaha Maxkamadda Sare ee dalka ka socday Baashe Yuusuf Axmed ayaa waxaa maanta shirka looga hadlay sida hay’adda garsoorka uga qayb qaadan karaan khilaafka dhuleed ee ka dhaxeeya dalalka geeska Afrika.

Shirkan oo lagu wado in qodobo muhiim ah laga soo saaro ayaa sidoo kale looga hadli doonaa isbadalka cimilada iyo sida dalalka geeska afrkiga isaga kaashan lahaayeen.

Dhamaan madaxdii kasoo qayb gashay ayaa tilmaamay in shirkan muhiim u yahay dalalka bariga iyo geeska afrika maadaama intooda badan uu jiro khilaaf dhuleed oo ka dhaxeeya laguna xaliyo si nabadeed.

   

LEAVE A REPLY

Please enter your comment!
Please enter your name here