MUQDISHO (SMN) – Waxaa goor dhow lasoo gabagabeeyey tirinta codadka wareega koowaad ee doorashada Madaxweynaha, taas oo ka socota Teendhada Afisyooni ee magaalada Muqdisho.
Wareegan ayaa waxaa ku tartamay 36 musharrax, kuwaas oo ay ku jiraan madaxweynayaashii hore ee dalka.
Inta badan musharixiinta ayaa ku haray wareegan, waxaana wareega 2-aad usoo gudbay 4 musharrax oo kaliya, kuwaas oo helay codadka ugu badan, waxayna kala yihiin:-
1-Saciid Cabdullahi Deni oo helay 65 cod.
2-Maxamed Cabdullahi Farmaajo oo helay 59 Cod
3-Xasan Sheekh Maxamuud oo helay 52 cod
4-Xasan Cali Khayre oo helay 47 cod.
Doorashada ayaa lasii amba qaadaa, iyada oo wareegan uu yahay mid adag, isla-markaana lagu kala saari doono 4-ta musharrax ee soo gudubtay.
