DHUUSAMAREEB (SMN) – Wasiirka amniga Galmudug Axmed Cabdi Aadan oo wareysi siiyay VOA ayaa faah-faahiyay xaaladda caafimaad ee madaxweyne Qoor Qoor, wuxuuna sheegay in madaxweynaha xaaladiisa ay tahay mid wanaagsan, uuna caafimaad qabo.
Wasiirka ayaa xausay in madaxweynaha la keenay magaalada Muqdisho ee caasimada dalka Soomaaliya isaga oo caafimaad qaba, uuna joogi doono maalmaha soo socda.
Axmed Cabdi Aadan ayaa ku nuux nuuxsaday in Al-Shabaab ay ku fashilmeen isku daygii ay doonayeen in ay ku khaarijiyaan madaxweynaha maamulka Galmudug iyo mas’uuliyiintii kale ee kula jirtay howlgalka, xili ay ku sugnaayeen deegaanka Laas Gacmey.
Sidoo kale wuxuu intaasi ku dareen in ay jiraan dhaawacyo fudud oo xagtin ah oo soo gaaray qaar kamid ah mas’uuliyiintii ku sugneyd deegaanka uu weerarka ka dhacay.
Gaari walxaha qarxa laga soo buuxiyay ayaa shalay lagu weeraray deegaanka Laas Gacmey, xili aroor ah, balse weerarkaasi ayaa la sheegay in uusan gaarin bartilmaameedkiisa, isla-markaana ay ka hortageen ciidamada ilaalada Qoor Qoor.
