LAASCAANOOD (SMN) – Wararka naga soo gaaraya gobolka Sool ayaa sheegaya in saaka dagaal u dhexeeyay ciidamo ka wada tirsan kuwa SSC-Khaatuma uu ka dhacay duleedka magaalada Laascaanood ee xarunta gobolkaasi.
Dagaalka ayaa yimid, kadib markii ay ciidamada isku qabsadeen qoray Zuu ah oo kamid ahaa hubkii ay ka qabsadeen milatariga Somaliland.
Wararka ayaa sheegaya in dagaalka uu qaatay muddo ku dhow saacad, isla markaana si weyn looga dareemaya deegaanada hoos yimaada magaalada Laascaanood.
Khasaare u badan dhaawac ayaa lasoo warinayaa inuu ka dhashay dagaalkaas oo ay labada dhinac isku adeegsadeen hubka noocyadiisa.
Xaaladda ayaa haatan ah mid deggan, waxaana waan waan bilaabay waxgaradka deegaanka, si loo qaboojiyo dagaalka ka dhex qaray ciidamada SSC-Khaatuma.
