BOOSAASO, Soomaaliya – Wasaaradda Duulista Hawada iyo Garoomada Puntland ayaa u xaqiijisay shacabka in garoonka Boosaaso uu yahay mid ammaankiisa sugan yahay.
Hadalkaan ayaa imaanaya kadib hanjabaad kasoo yeertay ciidamada PSF oo horay ugu eedeeyay maamulka garoonka diyaaradaha inay xadideen gaadiidka gaar ahaan askarta dhaawaca ah, isla markaana ay garoonka ka dhigeen xero ciidan.
Iyadoo ay taasi jirto ayaa Wasiirka Duulistu waxa uu ku nuuxnuuxsaday bad-qabka iyo habsami u socodka shaqo ee Madaarka, isagoo tilmaamay in Duulimaadyadii yimid ay ka mid ahaayeen Daallo Airlines iyo Ethiopian Airlines, iyadoo aanay wax dhibaato ahi dhicin.
Arintaan ayaa waxaa daliil u ah guulihii ay ku soo degeen diyaarado laga leeyahay dalka Imaaraatka Carabta, taasi oo muujineysa in hanjabaada PSF aysan ka dhabeyn falal lidi ku ah dhanka amaanka oo saameeyay howlaha garoonka.
Xaalada ayaa hoosta ka xariiqaysa dhaq dhaqaaqyada awoodeed ee ka jira gudaha Puntland, iyadoo falka PSF ay dadka qaar ku macneeyeen in ay tahay mid ay ku dooneyso in ay cadaadis ku saarto dowlad goboleedka. Si kastaba ha ahaatee, awoodda ay dawladdu u leedahay in ay ilaaliso hawlaha garoonku waxa ay soo jeedinaysaa heerka xakamaynta iyo xasiloonida, ugu yaraan marka la eego amniga duulista rayidka ah.
