CEELDHEER (SMN) – Wararka naga soo gaaraya gobolka Galgaduud ayaa sheegaya in xalay ciidamada dowladda oo kaashanaya kuwa dadka deegaanka ay weerar ku qaadeen xubno ka tirsan Al-Shaaab oo ku sugnaa duleedka degmada Ceeldheer ee gobolkaasi.
Ciidamada ayaa beegsaday deegaan lagu magacaabo Dhagaxley oo ay isku uruursanayeen xubnaha Al-Shabaab, waxaana kadib meesha ka dhacay dagaal foolka fool ah.
Saraakiil ka tirsan milatariga Soomaaliya ayaa sheegay inay heleen xogta Al-Shabaabka ku sugan halkaasi, kadibna ay weerareen, isla markaana ay gaarsiiyeen khasaare culus.
Sidoo kale waxa ay tilmaameen inay kasoo furteen hub iyo saanad ciidan, maadaa ay u daatee saldhgyo Al-Shabaab ay ku lahaayeen halkaasi.
Galgaduud iyo Mudug ayaa waxaa badanaa ka dhaca dagaallo, waxaana halkaasi guluf ka dhan ah Al-Shabaab ka wada ciidamada dowladda Soomaaliya iyo kuwa Macawiisleyda.
