SABLAALE (SMN) – Faah-faahino dheeraad ah ayaa waxaa laga helayaa khasaaraha ka dhashay duqeyn xooggan oo xalay ka dhacday deegaanka Haawaay oo hoostaga degmada Sablaale ee gobolka Shabeelaha Hoose, taas oo lagu beegsaday xubno ka trsanaa Al-Shabaab.
Duqeynta ayaa lasoo wariyay in lala eegtay goob ay ku sugnaayeen xubno ka tirsan kooxda, waxaana jiro khasaare dhimasho iyo dhaawacba leh.
Inta la xaqiijiyay waxaa howlgalkan dhanka cirka ah lagu dilay ugu yaraan illaa 12 xubnood oo isugu jiro saraakiil iyo dagaalamayaal ka tirsanaa Al-Shaaab.
Xaaladda ayaa weli kacsan, waxaana dhaq-dhaqaaqyo culus laga dareemayaa aagga degmada Sablaale ee gobolka Shabeelaha Hoose.
Qaybo badan oo kamid ah gobolkan waxaa ka socdo howlgallo ka dhan ah Al-Shabaab, waxaana badanaa ka dhaca dagaallo yo duqeymo gaysta khasaarooyin kala duwan.
