MUQDOSHO (SMN) – Warar kala duwan ayaa kasoo baxaya khasaaraha ka dhashay qaraxyo miino oo xalay ka dhacay gudaha degmada Garasbaaley ee gobolka Banaadir.
Qaraxyada oo ahaa bartilmaameed ayaa lagu xiray guryo ku yaallo waaxda koowaad ee degmadaasi, kuwaas oo lagu xiray kaamirooyinka CCTV.
Inta la xaqiijiyay illaa 5 qof oo shacab ah ayaa qaraxyadaas waxa ay kasoo gaareen dhaawacyo fudud, waxaana goobta goor dambe gaaray ciidamo ka tirsan kuwa ammaanka oo sameeyay baaritaano kooban.
Ma jiro wax hadal ah oo kasoo baxay maamulka degmada iyo saraakiisha laamaha amniga oo ku aadan qaraxyadaas iyo howlgalka xigay.
Horay sidaan oo kale ayaa loo qarxiyay goobo ganacsi oo lagu xiray kaamirooyinka qarsoon, waxaana sheegatay weeradaasi Al-Shabaab.
