DOOLOW (SMN) – Wararka naga soo gaaraya gobolka Gedo ayaa sheegaya in goordhow dagaal u dhexeeyo ciidamada dowladda iyo kuwa Jubbaland uu ka qarxay gudaha degmada Doolow ee gobolka Gedo.
Dagaalka oo ah mid culus ayaa la’isku adeegsanayaa hubka noocyadiisa kala duwan, wuxuuna u dhexeeyaa milatariga Soomaaliya iyo daraawiishta Jubbaland.
Xaaladda ayaa cakiran, waxaana dhinacyadu ay helayaan gurmadyo dheeraad ah, taas oo sii hurin karto xiisadda taagan.
Gobolka Gedo ayaa waxaa maalmihii ugu dambeeyay ka socday dhaq-dhaqaaqyo iska soo horjeedo oo u dhexeeyo dowladda federaalka iyo maamul goboleedka Jubbaland.
