JIGJIGA (SMN) – Faah-faahinno dheeraad ah ayaa waxaa laga helayaa dagaal saaka ka socda degaanka Dacawaley ee dowlad deegaanka Soomaalida, kaas oo u dhexeeyo dadka deegaanka iyo ciidamada Booliska.
Dagaalka oo xoogan ayaa waxaa lagu soo warramayaa inuu kusii fidayo magaalada, waxaana labada dhinac ay isku adeegsanayaan hubka noocyadiisa kala duwan.
Sidoo kale waxaa jiro khasaare dhimasho iyo dhaawacba leh oo soo kala gaaray dhinacyda dagaalamaya iyo dad shacab ah.
Wuxuu dagaalkan daba socdaa xiisad indhowanahaan ka taagneyd halkaasi, taas oo sababtay dilka 5 askari oo ka tirsanaa ciidamada booliska ee dowlad deegaanka.
