BAYDHABO [SMN] – Magalada Baydhabo ee xarunta Gobolka Bay ayaa maanta waxa ka dhacay xukun dil ah oo lagu fuliyey Isxaaq Aadan Ibrahim, kaasi oo lagu eedeeyey dilkii Aadan Maxamed Aadan oo ka dhacay magaalada Baydhabo bil ka hor.
Maxkamadda Gobolka Bay ayaa maanta xukunkii dilka ku xukuntay Isxaaq Aadan Ibrahim, waxaana xukunkaasi lagu fuliyey goob fakar ah oo ku taala duleedka magaalada Baydhabo, halkaasoo boqolaal shacab ah ay goob-jooge ka ahaayeen.
Xukunka dilka ayaa waxaa ka hadlay Xeer Ilaaliyaha Maxkamadda Gobolka Bay iyo Wasiirka Amniga ee Dowladda Koonfur Galbeed, kuwaas oo shaaciyey in xukunka lagu fuliyey si waafaqsan sharciga iyo in arrintani ay ku habboon tahay sidii loo xaqiijin lahaa amniga iyo xasiloonida gobolka.
Goobta lagu fuliyey xukunka ayaa waxaa ka dhawaqay hadallo ka soo baxay masuuliyiinta maxkamadda iyo wasiirka amniga, kuwaasoo sheegay in talaabadaasi ay tahay mid cadeyneysa in la ciqaabay dadka falalka dambiyeedka ku lug leh.
Shacabka ku dhaqan Baydhabo ayaa si weyn uga falceliyey xukunka dilka ee maanta dhacay, iyadoo qaar ka mid ah dadweynaha ay sheegeen in xukunkaasi uu noqonayo mid ka tarjumaya sidii loo ilaalin lahaa sharciga iyo nidaamka bulshada.
