JABUUTI – Madaxweynaha Soomaaliya, Xasan Sheekh Maxamuud, ayaa maanta gaaray magaalada Jabuuti, caasimadda Jamhuuriyadda walaalaha nahay ee Jabuuti, halkaasi oo uu kula kulmi doono Madaxweynaha dalkaas, Mudane Ismaaciil Cumar Geelle.
Kulankan ayaa looga hadlayaa sidii loo xoojin lahaa xiriirka soo jireenka ah ee ka dhexeeya Soomaaliya iyo Jabuuti, iyadoo xoogga la saari doono iskaashiga istaraatiijiga ah ee labada dal. Madaxda ayaa si qoto dheer uga wada hadli doona arrimaha amniga, dhaqaalaha, siyaasadda, iyo sidii loo adkeyn lahaa xasilloonida gobolka Geeska Afrika.
Madaxweynaha Soomaaliya ayaa safarkan ku muujinaya muhiimadda uu siinayo xiriirka labada dal iyo doorka muhiimka ah ee Jabuuti ay ka ciyaarto gobolka, gaar ahaan dhinacyada amniga iyo horumarinta iskaashiga ganacsi iyo maalgashi.
Labada hoggaamiye ayaa sidoo kale ka wada hadli doona sidii loo xoojin lahaa wadashaqeynta labada dowladood, loona hormarin lahaa mashaariicda horumarineed iyo dadaallada lagu xasilinayo xaaladda guud ee gobolka.
Kulanka ayaa lagu wadaa inuu noqdo mid taariikhi ah oo sare u qaadaya xiriirka labada dal iyo iskaashiga istaraatiijiga ah ee mustaqbalka.
