DOHA – Wasiiru Dowlaha Wasaaradda Arrimaha Dibadda Soomaaliya, Cali Balcad, ayaa ka hadlay aragtida la xiriirta madax-bannaanida Somaliland iyo qaybaha kala duwan ee dalka, isagoo sheegay in Soomaaliya ay ka kooban tahay in ka badan 400 qabiil, islamarkaana ay ka ballaaran tahay gobolka Somaliland oo kaliya ka kooban qiyaastii 40% dhulka dalka.
Wasiir Balcad ayaa intaa ku daray in Somaliland ay degto qabiilka Isaaq oo keliya, sidaas darteed, haddii qabiil kasta uu doonayo inuu noqdo dal madax-bannaan, “taasi waa aragti aan macquul ahayn oo aan caqli ku dhisnayn,” ayuu yiri.
Wasiirka ayaa hadalkiisa ku adkeeyay muhiimadda midnimada, wadajirka, iyo ilaalinta dhul-weynaha iyo qabiilooyinka kala duwan ee Soomaaliya, isagoo ka digay in fikirka qabiil-ku-saleysan uu khatar ku noqon karo xasilloonida iyo horumarka dalka.
“Marka hore, waxaan rabaa inaan caddeeyo in Somaliland ay tahay gobol ka mid ah Soomaaliya oo Ingiriisku hore u gumaystay, kuna dhisan saddex qaybood oo kala ah waqooy bari ee Soomaaliya, oo hadda ah maamul-hoosaad ka tirsan dowladda Federaalka. Gobolka galbeed wuxuu doonayaa inuu ku biiro dowladda.
“Waxaad yeelan kartaa jasiirad yar oo ammaan ah, balse waxa ku hareeraysan gebi ahaanba ma aha ammaan,” ayuu yiri Wasiir Cali Balcad.
