MUQDISHO (SMN) – Wasir ku xigeenka wasaaradda warfaafinta Soomaaliya, Cabdiraxmaan Yuusuf Al-Cadaala ayaa maanta shaaciyey inuu isaga haray tartanka kursiga tirsigiisu yahay HOP#069 ee ay deegaan doorashadiisu tahay Galmudug.
Al-Cadaala oo qoraal soo saaray ayaa sheegay inuu u tanaasulay wasiirkii hore ee arrimaha gudaha Cabdiraxmaan Maxamed Xuseen (Odowaa) oo horey ugu fadhiyey kursigaan.
Sidoo kale wasiir ku xigeenka warfaafinta ayaa u mahadceliyey taageerayaashiisa iyo saaxibadii kala shaqeynayey ololihiisa.
Halkan hoose ka aqriso-
Waxaan halkaan uga hambalyaynayaa Adeerkeey Abdurahman Mohamed Hussein oo noqonaya Xildhbaanka I matalidoona afarta Sano ee soo socota insha allaah.
Waxaan umahadcelinayaa dhamaan saaxiibadii mudada ka badan labada Sano igala shaqaynayay Ololahayga.
Waxaan kale oo u mahadcelinayaa dhamaan taageerayaashayda kala duwan oo aan leeyahay waad mahadsantihiin.
Halganku wuu soconayaa insha allaah.
Dhamaanteen waan guulaysanay.
Gacmaha ayaan isqabsanaynaa horay ayaanan usoconaynaa insha allaah.
