BUURHAKABA (SMN) – Warar kala duwan ayaa kasoo baxaya howlgal qorsheysan oo ay maanta ciidamada dowladda iyo kuwa Koonfur Galbeed ka sameeyeen gobolka Baay.
Howlgalkan oo lagu beegsaday Al-Shabaab ayaa ka dhacay duleedka degmada Buurhakaba, waxaana guulo ka sheegtay ciidamada dowladda.
Saraakiisha howlgalka hoggaamineysay ayaa shaaca ka qaaday inay Al-Shabaab kala wareegeen deegaanka Jameeco oo 25 KM u jira degmadaas, ayna khasaare gaarsiiyeen.
Dhinaca kale ma jiro wax hadal ah oo kasoo baxay Al-Shabaab, kuna aadan howlgalkaas ee ay guulaha ka sheegteen ciidamada dowladda iyo kuwa Koonfur Galbeed.
Xaaladda ayaa haatan ah mid aad u kacsan, waxaana dhaq-dhaqaaqyo iska soo horjeed laga dareemayaa qaybo badan oo kamid ah gobolka Baay.
