Saraakiil ka tirsan milatariha Soomaaliya oo u warramay Warbaahinta Shabelle ayaa shaaca ka qaaday in wax dagaal uusan ka dhicin magaalada, isla-markaana ay gudaha galeen degmadaas oo noqoneyso degmadii ugu dambeysay ee laga saaro Shabaab.
Sidoo kale ciidamada isbaheysanaya ee Xoogga dalka iyo kuwa dadka deegaanka ayaa sidoo kale isku fidiyay deegaanada hoostaga isla degmadaasi, si ay uga hortgaan rogaal celin ay soo sameeyaan xubnaha Al-Shabaab.
Ciidamada ayaa sidoo kale weli howlgallo amni xaqiijin ah ka wada halkaasi, sida uu shaaciyay guddoomiyaha maamulka degmada Ruun-nirgood ee gobolka Shabeelaha Dhexe.
Xaaladda ayaa haatan mid kacsan, waxaana lagu soo warramayaa in dhaq-dhaqaaqyo iska soo horjeedo laga dareemaya aagga degmada Ruun-nirgood ee gobolka Shabeelaha Dhexe.
Qabashadan Ruun-nirgood ayaa timid, kadib markii ay howlgal culus qaadeen ciidamada dowladda iyo kuwa Macawiisleyda oo maalmahaan dhaq-dhaqaaqyo ka waday halkaasi.
Shabeelaha Dhexe ayaa kamid ah meelaha lagu jabiyay Al-Shabaab, kadib markii lagu bilaabay wajiga koowaad ee dagaalka ay hormuudka u tahay dowladda dhexe, kaas oo dhul ballaaran looga qasabaday kooxda.
