WANLAWAYN (SMN) – Warar kala duwan ayaa kasoo baxaya khasaaraha ka dhashay dagaal beeleed khasaare gaystay xalay ka dhacay duleedka degmada Wanlawayn ee gobolka Shabeelaha Hoose.
Dagaalka oo ahaa mid xoogan ayaa u dhexeeyay laba maleeshiyo beeleed oo ku dagaaalamay deegaanka Dacarta oo hoostaga degmadaasi.
Wararka ayaa sheegaya in dagaalkii xalay uu sababay khasaare leh dhimasho iyo dhaawac, waxaana ku dhintay 4 qof, halka ay ku dhaawacmeen 3 kale.
Xaaladda ayaa saaka kacsan, waxaana weli si horfadhiya maleeshiyaadka dagaalamay, taas oo uga sii dareysa xiisadda ka taagan halkaasi.
