KISMAAYO (SMN) – Wararka naga soo gaaraya gobolka Jubbada Hoose ayaa sheegaya in saaka aroortii hore ay Al-Shabaab weerar ku billowday qaraxyo ku qaadeen deegaanada Buulo-Xaaji iyo Harboole oo ka wada tirsan gobolka Jubbada Hoose.
Weerarka kadib ayaa waxaa xigay dagaal toos ah oo u dhexeeyay ciidamada ku sugnaa deegaanadaas iyo Al-Shabaabkii weerarka soo qaaday.
Qoraal kooban oo kasoo baxay taliska ciidamada Xoogga dalka ayaa waxaa lagu sheegay in ciidamada ay fashiliyeen weerarkaasi, ayna khasaare culus gaarsiiyeen.
Ma jiro wax hadal ah oo kasoo baxay dhanka Al-Shabaab oo ku aadan weerarkaasi iyo dagaalka ka horreeyay intaba.
Xaaladda ayaa haatan ah mid aad u kacsan, waxaana weli deegaannada lagu dagaalamay hadda ku sugan ciidamada Xoogga dalka iyo kuwa Daraawiishta ee maamulka Jubbaland.
