MUQDISHO (SMN) – Sheekh Maxamed Idiris oo kamid ah culimada caanka ah ee Soomaaliyeed ayaa ka hadlay arrimo ku aadan dagaalka u dhexeeya Irsael iyo Falastiin, kadib wareysi uu siiyay warbaahinta Shabelle.
Sheekha ayaa sheegay in qadiyadda Falastiin ay tahay mid taabaneysa Muslimiinta, wuxuuna ku baaqay in loo muujiyo garab istaag, si ay uga guulaysato ciidanka Israel.
Sidoo kale waxa uu arrin laga xumaado ku tilmaamay in dowladda Soomaaliya ay weli ka aamusan tahay dagaaalka ka socda Gaza iyo duqeymaha aan kala sooca lahayn ee lagu hayo reer Falastiin.
Sheekh Maxamed Idiris ayaa dalbaday madaxda dalka inay cadeeyaan mowqifkooda, ayaga oo ku saleynayo rabitaanka shacabka Soomaaliyeed.
Hadalkan ayaa kusoo aadayo, ayada weli xaalad adag ay ka taagan tahay dhulka Falastiin, waxaana ka soconaya duqeymo ay Israel uga jawaabeyso weerarkii xooganaa ee ay dhawaan ku qaaday Xamaas, kaas oo ay khasaare badan kala kulantay Yahuuda.
