DHUUSAMAREEB [SMN] – Guddiga Madaxabannaan ee Doorashooyinka Qaranka iyo Soohdimaha ayaa Maanta, oo taariikhdu tahay 4-ta Maarso, ku qabtay magaalada Dhuusamareeb doorashada Kursiga 248 ee ka banaanaa Golaha Shacabka ee Baarlamaanka Federaalka Soomaaliya.
Maxamed Cabdi Xasan ayaa ku guuleystay kursigan, kadib doorasho saaka ka dhacday magaalada Dhuusamareeb, caasimadda dowlad goboleedka Galmudug. Kursigan ayaa hore ugu fadhiyay Saadaq Cumar Xasan, oo xilka ka degay kadib markii uu NISA u wareegay.
Maxamed Cabdi Xasan ayaa si rasmi ah loogu doortay kursiga GSH248, waxaana doorashadii maanta lagu gudoonsiiyay guul ballaaran. Doorashada ayaa waxaa ka qeybgalay xubno ka tirsan guddiga doorashada iyo ergayo kala duwan, iyada oo si habsami leh loo qabtay.
Doorashadan ayaa ka dhigan mid cusub oo lagu kordhiyay wakiilada shacabka ee ka tirsan Golaha Shacabka, iyadoo ka dhigan tahay horumar ku saabsan hannaanka dimuqraadiyadda ee dalka.
