BALCAD (SMN) – Wararka naga soo gaaraya gobolka Shabeelaha Dhexe ayaa sheegaya in xalay diyaarado dagaal ay Al-Shabaab ku duqeeyeen deegaanka Xawaadley ee gobolkaasi.
Duqeynta ayaa lala beegsaday saldhigyo ay Al-Shabaab ku lahaayeen halkaasi, iyada oo lagu burburiyay gawaari ay lahayd kooxda.
Weerarkan dhanka cirka ah daba socday dagaal ay Al-Shabaab kusoo qaadeen saldhig ciidamada dowladda ay ku leeyihiin halkaasi, kaas oo dhaliyay khasaare xoogan.
Xaaladda ayaa weli ka kacsan, waxaana dhaq-dhaqaaqyo iska soo horjeedo laga dareemayaa aagga deegaanka Xawaadley oo hoostaga degmada Balcad.
Al-Shabaab ayaa ku xoogan waddada xiriirisa Balcad iyo Jowhar, waxaana ay taasi saameyn ku yeelatay isku socodka labadaasi magaallo.
