MUQDISHO (SMN) – Warar kala duwan ayaa kasoo baxaya shil gaari oo maanta ka dhacay isgoyska Tarabuunka ee magaalada Muqdisho, kaas oo sababay dhimasho.
Shilka ayaa yimid, kadib markii gaari xamuul ah uu dusha ka maray mooto Fekon oo ay saarnaayeen laba qof, sida ay innoo sheegeen dad goobjoogayaal ah.
Sidoo kale wararka ayaa intaasi kusii daraya in goobta uu ku dhintay wiil dhalinyaro ah oo gadaal ka saarnaa mootada, iyada oo goor dambe maydkiisa laga qaaday halkaasi.
Muqdisho ayaa waxaa maalmahan ka dhacayay shilal gaari, waxaana ugu dambeeyay baabuurkii dhowaan ku rogaday waddada aada Jasiira oo ay ku dhinteen illaa saddex qof.
