GAALKACYO (SMN) – Guddoomiyaha Hay’adda Maareynta Musiiboyinka Qaranka, Md. Maxamuud Macallim Cabdulle oo ay wehliyaan Agaasimaha guud ee Wasaaradda Gargaarka Galmudug, Guddoomiyaha gobolka Mudug, Maamulka degmada Gaalkacyo ayaa waxa ay booqasho u kuurgalid ah ku tageen Kaamamka Barakacayaasha ee ku yaal duleedka magaalada, iyaga oo qoysaska ku nool ka xogwareysanaya xaladaha ay ku nool yihiin.
Guddoomiyaha iyo masuuliyiintaan ayaa lug ku maray kaamamkaan iyaga oo si gaar ah u xogwareysanayo bulshada dantayar, waxaana dhanka kale Hay’adda Maareynta Musiibooyinka Qaranka Soomaaliyed ee SoDMA, waxa ay boqolaal qoys gargaar ugu qaybisay duleedka magaalada Gaalkacyo.
300 oo qoys oo danyar ah, iskuguna jira barakacyaal, waayeelo, iyo dad araga naafo ah ayaa ka faa’iideeystay gargaarkaan, waxana uu ka kooban yahay alaabta maacuunta, bacaha roobabka looga okorto, jingado iyo qalabkii lagu dhisi lahaa, waxaana Deeqdaan SoDMA ka saaciday dowlada Shiinaha, waxana qeybinteeda ku wehliya Wasaaradda Gargaarka maamulka Galmudug.
Halkan hoose ka daawo Sawirrada:-
