MUQDISHO (SMN) –
Guddoomiye Hay’adda Maareynta Musiibooyinka, Md. Mahamuud Moallim Abdulle ayaa maanta guddoomiyey shirka joogtada ah ee hay’adda SoDMA, kaas oo diiradda lagu saaray warbixinta wajiga labaad ee qiimaynta iyo dib u habaynta shaqaalaha hay’adda iyo qabsoomida shirka madasha arrimaha bani’aadanimada ee Soomaaliya – Humanitarian Coordination Forum iyada oo la meelmariyay xiliga iyo goobta oo ka dhacayo.
Kulanka waxaa laga warbixiyay Ansixinta iyo fulinta geedi socodka hindisaha sidii bulshada looga haqabtiri lahaa digniinaha halis-wadareedka (EW4ALL) kana koobnaa afar tiir oo muhiim ah kaas oo dhacay magaalada Nairobi iyo siday ay hay’adda SoDMA u hogaamisay doorka kaga aadan.
Sidoo kale, kulanka inta uu socday waxaa si gaar ah la isaga wareystay waxqabadka howlaha hay’adda ee kala duwan iyo wax u qabsoomay toddobaadkii la soo dhaafay.
Shirka waxaa ka soo qeyb-galay madaxda kala duwan ee hay’adda, sida; guddoomiye ku xigeenka Hay’adda, agaasimayaasha waaxyaha iyo la-taliyayaasha.
