MUQDISHO (SMN) – Sonja Nientiet, oo ah kalkaaliye caafimaad Jarmal ah oo laga afduubtay magaalada Muqdisho toddoba sano ka hor, ayaa soo hashashay markii ugu horeysay.
Muuqaal lasoo bandhigay Youtube oo laga soo duubay goobta lagu hayo gudaha Soomaaliya ayay Haweenaydan ku dalbatay in si deg deg loo badbaadiyo, si dalkeeda ugu laabato.
Nientiet ayaa la afduubay 2-dii May 2018 xilli ay u shaqeynaysay Laanqeyrta Cas ee Jarmalka. Afduubkeeda ayaa ka dhacay xarunta hay’adda ee Laami-yaraha Zoobe.
Afduubayaasheeda, kuwaas oo sheegay inaysan xiriir la lahayn Al-Shabaab ama ISIS, ayaa dalbaday madax-furasho dhan $20 milyan, iyagoo hanjabay inay u gacan gelin doonaan kooxda Daacish.
Ciidamada gaarka ah ee Jarmalka oo kaashanayay sirdoonka Mareykanka ayaa qorsheeyay howlgal badbaadin ah, balse waxa la joojiyay daqiiqadii ugu dambeysay kadib markii wasiirkii arrimaha dibadda ee xilligaas uu ka walwalsanaa halista nolosha Nientiet.
Nin kamid ahaa askarta amniga u qaabilsanayd xarunta hay’adda ayaa la sheegay inuu ka dambeeyay afduubka, inkastoo warkan la xaqiijin.
ICRC iyo dowladda Jarmalka ayaa labaduba ku guuleysan waayay inay soo badbaadiyaan, iyadoo haweeneydan ay sheegtay inay maalinba maalinta ka dambeysa noloshooda khatar sii galayso.
