CEELDHEER (SMN) – Faahfaahino dheeraad ah ayaa kasoo baxaya howlgal ay iska kaashadeen ciidamada dowladda iyo kuwa deegaanka oo maanta ka dhacay degmada Ceeldheer ee gobolka Galgaduud, kaas oo lagu beegsaday xun=bno ka tirsan Al-Shabaab.
Taliska ciidamada Xoogga dalka ayaa sheegay in howlgalkan uu ahaa mid guulaystay, isla markaana lagu dilay sarkaal ka tirsanaa Al-Shabaab, mid kalena lasoo qabtay
Sarkaal lasoo qabtay ayaa waxaa magaciisa lagu sheegtay Cabaas Garoobshe, kaas oo si weyn looga yaqaanay aagga degmada Ceeldheer.
Sidoo kale waxaa howlgalkan lagu dilay sarkaal kale oo lagu magacaabo Ilkacase, kaas oo lagu eedeeyay inuu dhibaato wey ka gaystay halkaasi
Ciidamada isbaheysanaya ayaa sidoo kale gacanta ku dhigay gaari Layla Calaawi ah oo ay adeegsan jireen xubnaha Al-Shabaab ee ku sugan koonfurta gobolka Mudug.
Howlgalkaan ayaa ka mid ah dhowr howlgal oo ciidanka deegaanka iyo kuwa Xoogga dalka Soomaaliyeed ay ka sameeyeen deegaano hoostaga degmooyinka Gobolka Galgaduud.
