Muqdisho, 13 May 2025 – AFRICOM, oo iskaashi la leh Dowladda Federaalka Soomaaliya, ayaa Isniintii duqeyn hawada ah ku beegsaday maleeshiyaad ka tirsan kooxda ISIS ee ku sugan Puntland, Soomaaliya, taasoo qeyb ka ah dadaallada lagu doonayo in lagu baabi’iyo howlgaladooda.
Duqeyntaas ayaa ka dhacday meel ku dhow 70 kiiloomitir koonfur bari ee Bosaso, gobolka Bari ee Puntland. Howlgalka ayaa weli socda, waxaana la sameynayaa qiimeyn lagu ogaanayo inta waxyeello ah ee ay geysteen maleeshiyaadka iyo sida loo dhammeystiro hadafyada hawlgalka.
Ujeedada ugu weyn ee duqeynta ayaa ah in la taageero ciidamada ammaanka Puntland ee ku howlan baabi’inta maleeshiyaadka ISIS ee ku sugan gobolkaas.
Dowladda Federaalka Soomaaliya ayaa muujisay sida ay ugu qanacsan tahay iskaashiga xooggan ee ay la leedahay dowladaha caalamiga ah, gaar ahaan Mareykanka, ee ku saabsan dagaalka ka dhanka ah argagixisada iyo dadaallada lagu soo celinayo nabadda iyo xasilloonida gudaha Soomaaliya iyo guud ahaan gobolka.
