BOOSAASO (SMN) – Wararka naga soo gaaraya gobolka Bari ayaa sheegaya in maanta shil gaari oo khasaare kala duwan sababay uu ka dhacay waddada xiriirisa magaalooyinka Boosaaso iyo Qardho ee maamulkaasi.
Shilka ayaa waxaa ku dhintay mid kamid ah musharaxiinta xilka madaxweynaha Puntland oo lagu magacaabi jiray, Suldaan Cabdicasiis Afguduud, kaas oo dhowaan uu shaaciyay musharaxnimadiisa.
Marxuumka ayaa xilliga uu shilka galayay ku sii jeeday magaalada Qardho, halkaas oo uu kasii wadi lahaa ololahiisa doorashada, sida ay innoo xaqiijiyeen ilo wareedyo xilkas ah.
Sidoo kale waxaa jira dhaawacyo ka dhashay shilkaasi ka dhacay waddada dheer ee isku xirta magaalooyinka Boosaaso iyo Qardho ee maamul goboleedka Puntland.
Inta badan shilal gaari oo sababa dhimasho iyo dhaawac ayaa ka dhaca Puntland, hase ahaatee.shilkan ayaa waxaa ka dhashay hadal heyn qabsatay baraha bulshada, maadaama geeri lama filaan ah ay ku timid mid kamid ah musharaxiinta Puntland.
