Muqdisho – Ra’iisul Wasaaraha Xukuumadda Federaalka Soomaaliya, Xamsa Cabdi Barre, ayaa magacaabay laba masuul oo cusub oo ka mid ah saraakiisha maamulka iyo amniga.
Ra’iisul Wasaaraha ayaa Mudane Cabdinaasir Maxamuud Gurey u magacaabay Maareeyaha Guud ee Arrimaha Maamulka iyo Amniga Garoonka Aadan Cadde ee Muqdisho.
Sidoo kale, Mudane Cabdalla Xasan Cali ayaa loo magacaabay Agaasime Ku-xigeenka Guud ee Xarunta Qaran ee Tubsan, oo ka hoos shaqeysa Xafiiska Ra’iisul Wasaaraha.
Magacaabista labada masuul ayaa ku timid iyadoo la tixgelinayo aqoonta iyo waayo-aragnimada ay u leeyihiin shaqooyinka loo idman yahay.
