DHUUSAMAREEB (SMN) – Wararka naga soo gaaraya gobolka Galgaduud ayaa sheegaya in maanta howlgal ka dhacay gobolkaas lagu qabtay sarkaal ka tirsan Al-Shabaab.
Howlgal ay iska kaashadeen ciidamada Xoogga dalka iyo kuwa deegaanka oo ka dhacay agagaarka deegaanada Masagawaa ayaa lagu soo qabtay sarkaalkan oo magaciisa lagu sheegay Mowlid Cali Dhuxuloow, sida lagu xusay warsaxaafadeed kasoo baxay dowladda.
Warsaxaafadeedka ayaa u qornaa sidatan:-
Ciidanka Xoogga Dalka iyo kuwa Xaq dirirka deegaanka ayaa howlgal qorsheysan ku so qabtay Mowlid Cali Dhuxulow oo ka tirsanaa Khawaariijta.
Howlgalka ayaa si gaara uga dhacay Baadiyaha Di-Biriq Deegaanka Waniile oo qiyaastii 20KM u jira Dagmada Ceeldheer ee Gobalka Galgaduud .
Ciidanka oo ku howlgalyo Xuuraansi iyo xogo sir doon ayaa usuura gashay iney Gacanta ku so dhigaan Mowliid oo Khawaariijta ugu Magacaabnaa waxa ay ugu yeeraan jabhadaha.
Ciidamada Xoogga Dalka iyo kuwa Xaq u dirirka Deegaanka ayaa kordhiyay Mudooyinka Dambe howlgalada gaarka ah ee laga fulinayo Goobaha ey ku sugan yihiin maleeshiyaadka gabalkoodu sii dhacaya ee Argagixisada.
