MUQDISHO (SMN) – Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa xalay kulan is xog-wareeysi ah la qaatay Madaxweynihii hore ee dalka ahna Xildhibaan ka tirsan Golaha Shacabka BJFS Mudane Shariif Sheekh Axmed.
Kulankan ayaa intiisa badan waxaa lagu lafa-guray xaalada guud ee dalka iyo dardargelinta dagaalka lagula jiro kooxda Al-Shabaab.
Sidoo kale waxaa lagu soo qaaday arrimaha dastuurka iyo shuruucda hor tebinta leh ee hor yaalla Golaha Shacabka Baarlamanaka Fedraalka Soomaaliya.
Muddooyinkii u dambeeyay Sheekh Shariif Sheekh Axmed oo dalka kusoo laabtay ayaa kulamo ka waday Muqdisho, waxaana horay u qaabilay madaxweynaha Soomaaliya.
