MUQDISHO (SMN) – Hay’adda Maareynta Musiibooyinka Qaranka Soomaaliyed ee SoDMA ayaa waxaa ay Magaalada Muqdisho keentay Dad Shacab ah oo Al-Shabaab ay qarax kula beegsadeen Degmada Jalalaqsi ee Gobolka Hiiraan.
Qof isku soo xirey walxaha qarxa isku qarxiyey goob ay joogeen dad shacab ah,waxaana hay’adda dadkaas ku soo daabushay Diyaarad taas oo isla xalay keentay garoonka Muqdisho.
Gawaarida Gurmadka Deg-degga ah ayaa dhawacyadaan waxa ay u daabuleen isbitaalada kala duwan ee Magaalada Muqdisho si xaaladooda loogu baxnaaniyo.
Agaasimaha waaxda cafimaadka Hay’adda Maareynta Musiiboyinka Qaranka Soomaaliyed ee SoDMA Dr Abdullaahi muse Axmed ayaa ka warbixiyey xaaladda dhawacyada, wuxuuna sheegay in lagu baxnaanin doono caasimadda.
Weerarkan ayaa waxaa mas’uuliyadiisa sheegtay, waxaana ku dhintay ugu yaraan 5 qof oo ku sugnaa goobta uu qaraxu ka dhacay.
Halkan hoose ka daawo Sawirrada:-
