HARGEYSA (SMN) – Shacabka Somaliland ayaa saaka u dareeray goobaha cod-bixinta doorashada maamulkaasi oo ka bilaabatay deegaanada maamulkaasi.
Shacabka ayaa soo dooranaya madaxweynaha cusub ee maamulkaasi, waxaana doorashada ku tartamaya saddexda Xisbi ee kal ah Kulmiye, Wadani iyo UCID, waxaana u kala sharraxan Muuse Biixi, Cabdiraxaam Cirro iyo Faysal Cali Waraabe.
Ammanka ayaa sidoo kale si weyn loo adkeeyay, iyada oo gebi ahaan bandow lagu soo rogay deegaanada maamulkaasi, inta ay socota cod-bixinta doorashada.
Madaxweynaha hadda talada haya ee Muuse Biixi Cabdi oo saaka dhiibtay codkiisa ayaa ballan qaaday inuu aqbali doono natiijo kasta oo kasoo baxda doorashada.
“Natiijada uu soo saaro komishinku dabadeed yaan la hadlin, hala aamuso” ayuu yiri madaxweyne Muuse Biixi Cabdi.
Halkan hoose ka daawo:
