Muqdisho, Luulyo 6, 2025 – Wasiirka Arrimaha Dibadda iyo Iskaashiga Caalamiga ah ee Soomaaliya ayaa Sabtidii hambalyo diirran u diray dowladda iyo shacabka Jamhuuriyadda Saaxiibka ah ee Malawi, xuska 61-guurada maalinta xorriyadooda awgeed.
Wasiirka ayaa bayaan rasmi ah ku sheegay in Soomaaliya ay si weyn u xushmeyneyso guushaas taariikhiga ah ee uu dalku gaaray, taas oo lagu xuso midnimo, sharaf iyo qaranimo.
“Jamhuuriyadda Federaalka Soomaaliya waxay qiimeyn gaar ah siineysaa xiriirka saaxiibtinimo ee kala dhexeeya Jamhuuriyadda Malawi, waxayna rajeyneysaa in iskaashi laba geesood iyo mid badanba uu sii xooobnaado, iyadoo laga duulayo danaha la wadaago iyo ballanqaad dhexdhexaad ah,” ayaa lagu yiri bayaanka.
Soomaaliya ayaa sidoo kale muujisay rajo ah in xiriirka labada dal uu sii kobco sanadaha soo socda.
“Markay shacabka Malawi si farxad leh u xusayaan munaasabaddan qaran, waxaan idiin rajeynayaa Maalin Xorriyad oo farxad, midnimo iyo yididiilo cusub leh – iyadoo loo hanqal taagayo mustaqbal barwaaqo leh,” ayuu yiri wasiirka.
Malawi ayaa xorriyaddeeda ka qaadatay gumeystihii Ingiriiska 6-dii Luulyo, 1964.
