Muqdisho, Soomaaliya – Wasaaradda Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya ayaa soo dhaweysay go’aanka ay Isniintii, 19 Janaayo 2026, soo saartay Maxkamadda Rafcaanka Bariga Afrika, kaas oo meesha ka saaray go’aamadii hore ee hakiyay dhaarinta wakiillada Soomaaliya ee Baarlamaanka Bariga Afrika (EALA).
Wasaaraddu waxay hambalyo u dirtay sagaalka Xildhibaan ee EALA oo uu soo doortay Baarlamaanka Federaalka Soomaaliya, iyadoo mar kale xaqiijisay go’aanka Soomaaliya ee ku aaddan xoojinta isdhexgalka gobolka iyo iskaashiga dalalka xubnaha ka ah Bulshada Bariga Afrika (EAC), gaar ahaan dhinacyada ganacsiga, isu-socodka, horumarka iyo xasilloonida gobolka.
Iyadoo Soomaaliya sii xoojinayso doorkeeda Bulshada Bariga Afrika, Wasaaradda Arrimaha Dibadda ayaa sheegtay inay ka go’an tahay hubinta matalaad wax ku ool ah oo Soomaaliya ku yeelato dhammaan hay’adaha iyo golayaasha EAC, si loo difaaco danaha qaranka loona dardargeliyo isdhexgalka gobolka.
