Muqdisho – Jamhuuriyadda Federaalka Soomaaliya waxay si diirran u soo dhaweynaysaa go’aanka ay Dowladda walaalaha ah ee Jamhuuriyadda Suudaan dib ugu billowday ka-qaybgalkeedii buuxda ee Urur-Goboleedka Horumarinta Geeska Afrika (IGAD).
Soomaaliya waxay si gaar ah u adkaynaysaa muhiimadda ay leedahay xoojinta iskaashiga heer gobol ee kala dhexeeya Jamhuuriyadda Suudaan, kaas oo door muhiim ah ka qaata horumarinta wada-shaqeynta wax-ku-oolka ah, isla markaana laf-dhabar u ah ilaalinta nabadda iyo amniga heer gobol iyo heer caalami.
Sidoo kale, Jamhuuriyadda Federaalka Soomaaliya waxay bogaadinaysaa dadaallada diblomaasiyadeed ee ay hormuudka ka ahayd Jamhuuriyadda walaalaha ah ee Jabuuti, iyada oo hoos imanaysa hoggaanka xikmadda leh ee Madaxweyne Ismaaciil Cumar Geelle, Guddoomiyaha Shir-Madaxeedka IGAD ee xilka haya.
Dadaalladan ayaa door muuqda ka qaatay fududeynta dib-u-soo-laabashada guuleysatay ee Jamhuuriyadda Suudaan, taas oo muujinaysa isku-duubnida dalalka gobolka iyo masuuliyadda wadajirka ah ee ka dhaxaysa xubnaha IGAD.
