MAHADAAY (SMN) – Taliyaha ciidanka dhulka xoogga dalka Soomaaliyeed G/le sare Dayax Cabdi Cabdulle ayaa maanta kormeer shaqo ugu tagay Kumaandooska Ilaalo Qaran oo howlgallo sifayn ah maalmahaan ka waday deegaanada Ciid Ciidka iyo Cali Fool Dheere oo hoostaga degmada Mahadaay ee gobolka Shabeellada dhexe.
Taliyaha ayaa ciidanka ku bogaadiyay sida ay waajibkoodi ciidanimo uga guteen xubnihii Al-Shabaab ee ku sugnaa deegaanka Ciid Ciidka ,isagoona xusay ineey tahay wax ay ku mudanyihiin bogaadin iyo amaan gooni ah.
Sidookale taliyaha ayaa ciidanka iyo saraakiishaba kula dar daarmay ineey sii laba jibaaran dadaaladooda ku aaddan baacsiga iyo sifaynta Al-Shabaab ee goobaha duurka ah ee ay isku dayaan ineey isku soo aruursadaan kana soo maleegaan weeraro fulaynimo ah .
Taliska ciidanka dhulka oo uu horkacayo Taliyaha ciidanka dhulka xoogga dalka Soomaaliyeed G/le sare Dayax Cabdi Cabdulle ayaa wada dadaalo dheeraad ah oo lagu guubaabinaayo geesiyaasha xoogga dalka iyo kuwa deegaanka ee dagaalka kula jira Al-Shabaab,isagoo taliyuhu ku sugan yahay furumaha horre ee dagaalka.
Halkan hoose ka daawo Sawirrada:-
