BAARDHEERE (SMN) – Wararka naga soo gaaraya gobolka Gedo ayaa sheegaya in goordhow weerar culus lagu qaaday xero ciidan oo ku taalla degmada Baardheere ee gobolkaasi.
Weerarka ayaa ku billowday qaraxyo xoogan, waxaana kadib xigay dagaal toos ah oo u dhexeeyay ciidamada dowladda iyo xubnaha Al-Shabaab ee weerarka qaaday.
Ilo wareedyo lagu kalsoon yahay ayaa Shabelle u sheegay in xaaladdu ay cakiran tahay, isla-markaana uu dagaal culus ka socdo degmada Baardheere ee gobolka Gedo.
Ma cadda khasaaraha rasmiga ah ee ka dhashay weerarkan, mana jiro wax hadal ah oo ka soo baxay saraakiisha laamaaha amniga iyo sidoo kale maamulka degmada.
Faahfaahinta kala soco: Shabellemedia.com
