GAALKACYO (SMN) – Wararka naga soo gaaraya gobolka Mudug ayaa sheegaya in maanta xaalad kacsanaan ah laga dareemayo deegaanka Jiicboor ee dhaca galbeedka gobolkaasi, kadib markii ay shalay ku wada dagaalameen maleeshiyaad kasoo kala jeeda Galmudug iyo Puntland.
Maleeshiyaadka labada dhinac oo weli is horfadhiya ayaa lagu soo warramayaa in saaka ay halkaasi ka wadaan dhaq-dhaqaaqyo iska hor horjeedo iyo is uruursi ciidan.
Sidoo kale waxaa laga cabsi qabaa in mar kale dagaal uu ka dhaco halkaasi, maadaama aan illaa iyo hadda xal loo helin colaadka ka taagan deegaanka Jiicboor ee gobolka Mudug.
Gobollada dhexe ayaa waxaa marar badan kusoo laa laatay dagaal beeleedyada, waxaana khasaaraha ugu badan uu kasoo gaaraa dadka rayidka ah ee aan waxba galabsan.
