GAALKACYO (SMN) – Wararka naga soo gaaraya gobolka Mudug ayaa sheegaya in saaka dagaal beeleed uu mar kale dib uga qarxay qaybo kamid ah gobolkaasi.
Dagaalka oo u dhexeeyo labada maleeshiyo beeleed oo kasoo kala jeeda maamulkada Galmudug iyo Puntland ayaa hadda ka socda deegaanka Jiicboor ee galbeeda gobolkaasi.
Labada dhinac ayaa isku adeegsanaya hubka noocyadiisa kala duwan, waxaana xaaladdu ay tahay mid aad u kacsan, sida ay soo warinayaan dadka deegaanka.
Sidoo kale waxaa ka jira khasaare kala duwan oo isugu jiro dhimasho iyo dhaawacba leh oo soo kala gaaray dhinacyda dagaalamay iyo dad shacab ah.
Gobollada dhexe ayaa waxaa marar badan kusoo laa laatay dagaal beeleedyada, waxaana khasaaraha ugu badan uu kasoo gaaraa dadka rayidka ah ee aan waxba galabsan.
