WASHINGTON (SMN) – Wasiir ku Xigeenka Wasaaradda Warfaafinta, Dhaqanka, iyo Dalxiiska XFS Mudane Cabdiraxmaan Yuusuf Cumar Al Cadaaala oo safar shaqo ku jooga dalka Mareykanka ayaa maanta booqasho ku tagay Safaaradda Soomaaliya ee Magaalada Washington.
Wasiirka waxaa soo dhaweeyey Danjiraha Soomaaliya u fadhiya dalka Mareykanka, Ambassador Dahir Hassan Arab iyo hawl-wadeennada Safaaradda.
Wasiir Al Cadaa ayaa madaxda Safaaradda ku bogaadiyey dadaalka ay ugu jiraan inay u adeegaan dadka Soomaaliyeed oo xilliyada qaar soo wajahaan daruufo adag.
Sidoo kale Wasiirka ayaa ku adkeeyey muhiimadda shaqada Qaran ee ay safaaradda ka qabato dalka dibaddiisa, taasoo fure u ah xiriirka labada dal ee Soomaaliya iyo Mareykanka.
Danjire Dahir Hassan Arab ayaa Wasiirka si qoto dheer u gala hadlay howlaha Safaaradda iyo shaqooyinka ay qabato maalin kasta.
