Muqdisho – Wasiiru-Dowlaha Xukuumadda Federaalka Soomaaliya, H.E. Ali Omar, ayaa maanta kulan la yeeshay ganacsatada Soomaaliyeed, oo ay ku jiraan ururrada bangiyada, Golaha Ganacsiga Soomaaliyeed, Ururka Isgaarsiinta, iyo haweenka ganacsatada ah, si looga wada hadlo diyaar-garowga Soomaaliya ee ku aaddan xubinimada Bulshada Dhaqaalaha Bariga Afrika (EAC) iyo sidii qeybta gaarka loo leeyahay si buuxda uga qayb qaadan lahayd geeddi-socodka.
Kulankan oo ay sidoo kale ka qayb galeen Agaasimaha Guud ee EAC ee Wasaaradda, Mudane Mohamed Fatir, ayaa diiradda lagu saaray talaabooyin wax ku ool ah oo ganacsatada Soomaaliyeed loogu diyaarinayo suuqyada gobolka, ka jawaabista caqabadaha sharci iyo maal-gashi, iyo samaynta siyaasado kor u qaadaya tartanka iyo kobaca dhaqaalaha Bariga Afrika.
Dowladda ayaa sidoo kale ku celisay ballan-qaadkeeda ku aaddan in ay sii wadi doonto la-tashiga iyo wada-shaqeynta qeybta gaarka loo leeyahay, si xubinimada EAC looga dhigo fursad muuqata oo dhaqaale oo dalka ka faa’iideysto.
