BARDAALE (SMN) – Wararka laga helayo gobolka Baay ayaa sheegaya in saaka Al-Shabaab ay weerar culus ku qaadeen gudaha degmada Bardaale ee gobolka Baay.
Weerarka ayaa si gaar ah uga dhacay suuqa xoolaha ee degmadaasi, waxaana xigay dagaal toos ah oo u dhexeeyay ciidamada amniga iyo ragga weerarka qaaday.
Xilliga uu dagaalka bilaabanayay waxaa socday imaatinka bulshada halkaasi subax waliba u ganacsi taga halkaasi.
Inta la xaqiijiyay waxaa dagaalkan ku dhintay ugu yaraan 3 qof, halka ay ku dhaawacmeen 5 kale oo u badan dad rayid ah oo aan waxba galabsan.
Xaaladda ayaa hadda degan, waxaana dib u laabtay xubnaha Al-Shabaab ee saaka weerarka ku qaaday gudaha Bardaale ee gobolka Baay.
